Pune Mundhwa Police | ‘इमानदार’ रिक्षा चालकाने पोलिस ठाण्यात जमा केला 1 लाख 10 हजाराचा ऐवज; मुंढवा पोलिसांकडून रिक्षा चालकाचे कौतुक अन् सत्कार

पुणे : एन पी न्यूज 24 ऑनलाइन – Pune Mundhwa Police | कलयुगामध्ये झटपट पैसा मिळविण्यासाठी स्पर्धा लागलेली असतानाच एका रिक्षाचालकाने इमानदारीचे उदाहरण जनतेसमोर ठवले आहे. रिक्षामध्ये सापडलेली बॅग आणि त्यामध्ये असेलेला 1 लाख 10 हजार रूपयाचा ऐवज रिक्षा चालकाने मुंढवा पोलिस ठाण्यात जमा करून कलयुगात देखील इमानदारी जिवंत असल्याचे दाखवुन दिले आहे. (Pune Mundhwa Police)

नवनीत लाल गुगळे (सध्या रा. खराडीगाव, पुणे. मळ रा. नेवासा, जि. अहमदनगर) असे त्या इमानदार रिक्षा चालकाचे नाव आहे. त्यांचा मुंढवा पोलिस ठाण्याचे वरिष्ठ पोलिस निरीक्षक महेश बोळकोटगी (Sr PI Mahesh Bolkotgi) यांनी पुष्पगुच्छ देवून सत्कार केला आहे.

याबाबत अधिक माहिती अशी की, रिक्षा चालक नवनीत गुगळे हे खराडी ते हडपसर असे भाडे घेवून जात असताना मुंढवा ओव्हरब्रिजवर त्यांना एक लेडीज बॅग मिळून आली. त्यांनी कोणताही लोभ न करता सदरची बॅग अिणि त्यामध्ये अ‍ॅपल कंपनीचा लॅपटॉप, चार्जर, मोबाईल चार्जर, आधारकार्ड, पॅनकार्ड, एटीएम कार्ड, गाडीचे आरसी बुक आणि इतर महत्वाचे कागदपत्रे असा एकुण 1 लाख 10 हजार रूपयाचा ऐवज मुंढवा पोलिस ठाण्यात जमा केला.

बॅगमध्ये असलेल्या आरसी बुकवरील आरटीओ नंबरवरून वरिष्ठ पोलिस निरीक्षक महेश बाळकोडगी यांनी वाहन मालकाचे नाव आणि मोबाईल नंबर प्राप्त करण्याच्या सुचना सहाय्यक पोलिस फौजदार रमेश उगले यांना दिल्या. सदरील माहिती प्राप्त करून पोलिसांनी ममतोष प्रकाश (रा. पटना) यांच्याशी संपर्क साधला. त्यावेळी त्यांनी त्यांची मुलगी माही मुस्कान ही अ‍ॅमेनोरा सिटी येथे राहण्यास असून ती गाडी वापरत असल्याचे सांगितले.

मुंढवा पोलिसांनी माही मुस्कान यांच्याशी संपर्क साधून त्याला सर्व ऐवज परत केली.
माही मुस्कान यांनी पुणे पोलिसांचे आभार मानले तसेच कौतुक देखील केले आहे.

पोलिस आयुक्त अतितेश कुमार, सह आयुक्त प्रविण पवार, अप्पर आयुक्त रंजनकुमार शर्मा यांच्या मार्गदर्शनाखाली
पोलिस उपायुक्त आर. राजा, सहाय्यक पोलिस आयुक्त अश्विनी राख यांच्या सुचनेप्रमाणे
वरिष्ठ पोलिस निरीक्षक महेश बोळकोटगी, सहाय्यक पोलिस फौजदार रमेश उगले, पोलिस अंमलदार निलेश पालवे,
सचिन अडसुळ आणि इतर कर्मचार्‍यांनी ही कामगिरी केली आहे.

Murder In Budhwar Peth Pune | बुधवार पेठेत वस्ताऱ्याने गळ्यावर वार करुन खून : फरासखाना पोलिसांकडून आरोपीला अटक
Pune Bharti Vidyapeeth Crime | पिस्टल बाळगणाऱ्या सराईत गुन्हेगाराला भारती विद्यापीठ पोलिसांकडून अटक