पुणे : एन पी न्यूज 24 ऑनलाइन – भेटण्यास नकार दिल्याच्या रागातून एका तरुणाने कॉलेज तरुणीला भररस्त्यात कानशिलात लगावत तिच्या सोबत गैरवर्तन करुन विनयभंग (Molestation Case) केला. याप्रकरणी शिवाजीनगर पोलिसांनी धनकवडी येथील तरुणावर विनयभंगाचा गुन्हा दाखल केला आहे. हा प्रकार मंगळवारी (दि.20) दुपारी तीन वाजण्याच्या सुमारास मॉर्डन कॉलेज जवळील फुटपाथवर घडला आहे. (Pune Shivajinagar Crime)
याबाबत कात्रज येथे राहणाऱ्या 19 वर्षीय तरुणीने बुधवारी (दि.21) शिवाजीनगर पोलीस ठाण्यात (Shivajinagar Police Station) फिर्याद दिली आहे. यावरुन चेतन बाजीराव चव्हाण Chetan Bajirao Chavan (वय-22 रा. समर्थ कॉम्पलेक्स, धनकवडी) याच्यावर आयपीसी 354, 354(ड) नुसार गुन्हा दाखल केला आहे. पोलिसांनी दिलेल्या माहितीनुसार, आरोपी आणि फिर्यादी ऐकमेकांच्या ओळखीचे आहेत. मुलीने चेतन याला तू मला फोन करु नकोस तसेच माला भेटू नकोस असे सांगितले. मात्र, त्याने मुलीला वारंवार फोन करुन बोलण्याचा प्रयत्न करुन कॉलेज बाहेर येऊन मला तुझ्याशी बोलायचे आहे असे म्हणत तिच्यासोबत बोलण्याचा प्रयत्न केला.
मंगळवारी दुपारी पीडित तरुणी कॉलेज जवळ असलेल्या फुटपाथवर थांबली होती. त्यावेळी आरोपी त्याठिकाणी आला. त्याने मुलीसोबत बोलण्याचा बहाणा करुन जोर जोरात ओरडून म्हणाला, कोण आहेत ते तुझे मित्र, ते माझी बदनामी का करतात. त्यावेळी फिर्यादी यांनी त्याला समजावून सांगण्याचा प्रयत्न केला असता त्याने सर्वांसमोर तिच्या स्त्री मनास लज्जा उत्पन्न होईल असे वर्तन केले. तसेच मुलीचा हात पकडून तिच्या कानशीलात लगावली. पुढील तपास महिला पोलीस उपनिरीक्षक जाधव करीत आहेत.