Kalyani Nagar Porsche Car Accident Pune | पुणे ब्लड रिपोर्ट फेरफार प्रकरण : ससून मधील अतुल घटकांबळे याने बाल न्याय मंडळाच्या आवारात घेतले पैसे, CCTV पोलिसांच्या ताब्यात; कोणी दिले पैसे?

पुणे : – Kalyani Nagar Porsche Car Accident Pune | पुण्यातील कल्याणी नगर येथील पोर्शे कार अपघातातील अल्पवयीन आरोपीचा ब्लड रिपोर्ट बदलल्या प्रकरणी (Blood Sample Tampering Case Pune) ससून हॉस्पिटल (Sassoon Hospital) मधील फॉरेन्सिक विभागाचे प्रमुख डॉ. अजय तावरे (Dr Ajay Taware), डॉ. श्रीहरी हाळनोर (Dr Shrihari Halnor), शिपाई अतुल घटकांबळे (Atul Ghatkamble) या तिघांना पुणे पोलिसांच्या (Pune Police) गुन्हे शाखेने (Pune Crime Branch) अटक केली आहे. या प्रकरणात ससून मधील अतुल घटकांबळे याने येरवडा येथील बाल न्याय मंडळाच्या (Juvenile Justice Board-JJB) आवारात घेतले पैसे घेतल्याचे समोर आले आहे. घटकांबळे याला अश्फाक मकानदार (Ashfaq Basha Makandar) याने पैसे दिल्याचे तपासात समोर आले आहे. याबाबतचे सीसीटीव्ही चित्रीकरण (CCTV Footage) पोलिसांना मिळाले आहे.

मिळालेल्या माहितीनुसार, मुंबईतून अटक करण्यात आलेल्या अश्फाक मकानदार याने ससून रुग्णालयातील शिपाई अतुल घटकांबळे याला तीन लाख रुपये दिली. पैशांची देवाण-घेवाण बाल न्याय मंडळाच्या आवारात झाली. डॉ. अजय तावरे आणि डॉ.श्रीहरी हाळनोर यांच्या सांगण्यावरुन घाटकांबळे याने पैसे स्वीकारल्याचे तपासात समोर आले आहे.

कल्याणी नगर भागात अपघात झाल्यानंतर अल्पवयीन मुलाला ताब्यात घेण्यात आले. मुलाला वाचवण्यासाठी विशाल आणि त्याची पत्नी शिवानी यांनी ससूनच्या न्यायवैद्यक शास्त्र विभागातील डॉ. अजय तावरे यांच्याशी संपर्क साधला. डॉ. तावरेने डॉ. हाळनोर याला अल्पवयीन मुलाच्या रक्ताच्या नमुन्यात बदल करण्यास सांगितले. मुलाच्या रक्तात मद्यांश मिळू नये, यासाठी शिवानीने रक्त नमुन्यासाठी स्वत:चे रक्त दिल्याचे तपासात उघडकीस आले.

मुलाला वाचवण्यासाठी अग्रवाल दाम्पत्याने डॉ. तावरे आणि डॉ. हाळनोर यांना पैसे दिल्याचे तपासात उघडकीस आले. शिपाई घटकांबळे याच्यामार्फत हे पैसे पोहचवण्यात आले होते. घटकांबळे कडून 50 हजार रुपये जप्त करण्यात आले होते. तर डॉ. हाळनोर याच्याकडून अडीच लाख रुपये जप्त करण्यात आले होते. डॉ. तावरे याच्या सांगण्यावरून आर्थिक व्यवहार झाल्याचे तपासात उघडकीस आले.

अपघातानंतर ताब्यात घेतलेल्या मुलाला 19 मे रोजी येरवड्यातील बाल न्याय मंडळाच्या आवारात हजर करण्यात आले. बाल न्याय मंडळाच्या आवारात घटकांबळे याने अश्फाक मकानदार याच्याकडून तीन लाख रुपये घेतले. ही घटना सीसीटीव्ही कॅमेऱ्यात कैद झाली. पोलिसांनी सीसीटीव्ही चित्रीकरण ताब्यात घेतले आहे. मकानदार दुचाकीवरुन तेथे आला होता, दुचाकीच्या डिक्कीतून पैसे काढून त्याने घटकांबळे याला दिले.