Dollar vs Rupee | शेयर बाजारात तेजी असूनही ‘ऑल-टाइम लो’ वर भारतीय करन्सी, जाणून घ्या या घसरणीचे कारण
नवी दिल्ली : Dollar vs Rupee | या व्यवहाराच्या आठवड्यात शेयर बाजार ऑल-टाइम हायवर पोहोचला होता. शेयर बाजारात (Stock Market) आलेल्या तेजीनंतर सुद्धा आज भारतीय करन्सीमध्ये (Indian Currency) घसरण झाली. आज डॉलरच्या तुलनेत रुपया १७ पैसे घसरून बंद झाला. पुन्हा एकदा रुपया ऑल-टाइम लो वर पोहोचला.
क्रुड ऑईलच्या किमतीत तेजी आल्याने रुपयाच्या मूल्यात घसरण झाली आहे. फॉरेक्स ट्रेडर्सने म्हटले की, परदेशी भांडवलाचा प्रवाह आणि स्टॉक मार्केटमधील सकारात्मक गतीने सुद्धा भारतीय करन्सीला आधार दिला नाही. अमेरिकन चलनाच्या मजबुतीने सुद्धा रुपयावर भार दिला.
इंटरबँक परदेशी चलन बाजारात भारतीय करन्सी ८३.४३ वर खुली झाली आणि डॉलरच्या तुलनेत ८३.४२ च्या इंट्रा-डे उच्च स्तर गाठला. या सत्रात रुपया ८३.६८ च्या सर्वकालिन खालच्या स्तरावर पोहोचला. अखेर डॉलरच्या तुलनेत ८३.६१ वर बंद झाला, जो मागील बंदपेक्षा १७ पैसे घसरण दर्शवतो.
मागील सत्र म्हणजे बुधवारी डॉलरच्या तुलनेत रुपया १ पैशांनी घसरून ८३.४४ वर बंद झाला. १६ एप्रिलला डॉलरच्या तुलनेत ८३.६१ वर बंद झाला होता.
शेयरखान बाय बीएनपी पारिबाचे रिसर्च अनालिस्ट अनुज चौधरी यांनी म्हटले की, मजबूत अमेरिकन डॉलर आणि कमजोर आशियाई बाजारांमुळे रुपयात घसरण झाली.
डॉलर इंडेक्स ०.२१ टक्केच्या वाढीसह १०५.१० वर कायम आहे. कच्च्या तेलात आज पुन्हा एकदा तेजी दिसत आहे आणि ते ०.१८ टक्के वाढून ८५.२२ अमेरिकन डॉलर प्रति बॅरल आहे.
आज शेयर बाजारचा बीएसई सेन्सेक्स १४१.३४ अंक अथवा ०.१८ टक्केच्या तेजीसह ७७,४७८.९३ अंकावर बंद झाला. एनएसई निफ्टी ५१.०० अंक अथवा ०.२२ टक्केच्या तेजीसह २३,५६७.०० अंकावर पोहोचला. परदेशी गुंतवणुकदारांनी बुधवारी भारतीय इक्विटीमधून ७,९०८.३६ कोटी रुपयांचे शेयर खरेदी केले.