Kalyani Nagar Car Accident Pune | डॉ. अजय तावरे आणि मकानदारचे 5 महिन्यात सुमारे 70 फोन; तपासातून धक्कादायक माहिती समोर
पुणे: Kalyani Nagar Car Accident Pune | पुण्यातील कल्याणीनगर भागात अल्पवयीन मुलाने भरधाव वेगातील आपल्या पोर्शे कारने दोघांना चिरडलं होतं (Porsche Car Accident Pune). त्यानंतर हा मुलगा विशाल अगरवालचा (Vishal Agarwal) असल्याचं समोर आलं होतं. त्याला वाचवण्यासाठी विशाल अन् शिवानी अगरवालने (Shivani Agarwal) त्याचे ब्लड रिपोर्ट बदलले होते. परंतु याचा पर्दाफाश झाला. पण ब्लड रिपोर्ट फेरफार प्रकरणी मास्टर माईंड कोण याचा पोलीस शोध घेत होते, तेव्हा मोठी धक्कादायक माहिती समोर आली आहे.
कल्याणीनगर अपघात प्रकरणी ही मोठी अपडेट समोर आली आहे. अश्फाक मकानदार आणि डॉ.अजय तावरे (Dr Ajay Taware) यांनीच रक्त बदलण्याचा सल्ला दिला होता, हे आता पोलीस तपासात निष्पन्न झालं आहे.
मकानदार आणि डॉ. तावरे यांनीच अल्पवयीन मुला ऐवजी आईचे रक्त बदलण्यास सांगितल्याचं तपासात निष्पन्न झालं आहे. विशाल अग्रवाल आणि मकानदारची एका कॅफेत भेट झाली होती. तुमच्यावर कारवाई होईल, असा इशारा मकानदारने विशाल अग्रवाल यांना दिला होता.
या भेटीनंतर विशाल अग्रवाल हे संभाजीनगर येथे फरार झाले होते. ससून रुग्णालयामध्ये (Sassoon Hospital) रक्ताचे नमुने बदलण्यात (Blood Sample Tampering Case) अश्फाक मकानदारचा हात असल्याचं समोर आलं आहे, पोलीस तपासात तसं निष्पन्न झालं आहे. ससून रुग्णालयातील डॉ. तावरे अन मकानदारचे पाच महिन्यात ७० फोन झाल्याचं ही समोर आलं आहे.