Sunetra Ajit Pawar | अजित पवारांच्या मतदारसंघातही सुनेत्रा पवारांना लीड मिळेना, शरद पवारांनी काय ही वेळ आणली?

बारामती: Sunetra Ajit Pawar | लोकसभा निवडणुकांच्या (Baramati Lok Sabha) तोंडावर अजित पवारांनी फारकत घेत आपली वेगळी चूल मांडत महायुतीत सहभागी झाले. यानंतर त्यांनी सुप्रिया सुळे (Supriya Sule) यांच्या विरोधात सुनेत्रा पवार यांना उभे करत बारामती लोकसभेची निवडणूक प्रतिष्ठेची केली.

अजित पवार यांचे बारामतीच्या सहकारी संस्था, साखर कारखाने, दूध संघ, सहकारी बँकांवर वर्चस्व आहे. या सर्व संस्थांच्या पदाधिकाऱ्यांनी सुनेत्रा पवार यांच्या मतदानासाठी विभागून जबाबदाऱ्या घेतल्या. या सर्वांवर अजित पवार स्वतः लक्ष ठेवून होते. प्रचारादरम्यान अजित पवारांनी शरद पवारांवर (Sharad Pawar) वयाला घेऊनही टीका केली.

त्याअगोदर बारामतीत जात चंद्रकांत पाटलांनी (Chandrakant Patil) शरद पवारांना राजकारणातून संपवण्याची भाषा केली होती. मात्र शरद पवारांवरील टीका परवडणारी नसल्याचे दिसल्याने त्यानंतर अशा टीकेवर अंकुश आल्याचेही दिसून आले.

ज्येष्ठ नेते शरद पवार यांची रणनीती, तसेच त्यांना ८४ व्या वर्षी मिळणारी सहानुभूती की, मोदींचे ‘व्हिजन’सह अजित पवारांनी मार्गी लावलेली विकासकामे यामध्ये कोण बाजी मारणार, याचे उत्तर आजच्या निकालातून मिळणार आहे. पण सध्या तरी सुळे यांचे लीड पाहता पवारांचा जलवा कायम असल्याचे दिसत आहे.

ज्येष्ठ नेते शरद पवार यांनी लोकसभा निवडणुकीसाठी संपूर्ण पक्षाची नव्याने बांधणी केली. यामध्ये पवार यांनी जुन्या सवंगड्यांना बरोबर घेत नव्याने राजकीय पदासह निवडणुकीची जबाबदारी दिली. संपूर्ण निवडणुकीची सूत्रे हाती घेत मतदारसंघ पिंजून काढला.

कोणताही अनुभव नसलेल्या पक्षाच्या पदाधिकाऱ्यांना त्यांनी प्रथमच राजकीय रिंगणात उतरविले; तसेच पवार यांच्या पत्नी प्रतिभा पवार, तसेच सुळे यांच्या कन्या रेवती सुळे या प्रथमच प्रचारात सहभागी झाल्या.