Pune Traffic Updates | छत्रपती शिवाजी महाराज जयंती : पदयात्रेनिमित्त मध्य वस्तीतील वाहतूकीत मोठे बदल; शिवजंयती मुख्य मिरवणुक मार्गावरील वाहतूकीतील बदल, जाणून घ्या पर्यायी मार्ग आणि पार्किंगची ठिकाणे

पुणे : Pune Traffic Updates | छत्रपती शिवाजी महाराज जयंतीनिमित्त (Chhatrapati Shivaji Maharaj Jayanti 2025) शहरातील मध्यवर्ती भागातील लक्ष्मी रोड, छत्रपती शिवाजी महाराज रोडवरुन मिरवणुका निघत असतात. तसेच केंद्रीय युवा कार्यक्रम व क्रीडा मंत्रालयाकडून ‘जय शिवाजी जय भारत’ पदयात्रेचे आयोजन केले आहे. या पदयात्रेसाठी मोठ्या प्रमाणावर विद्यार्थी उपस्थित राहणार आहे. तसेच नागरिकांची मोठ्या प्रमाणावर गर्दी होण्याची शक्यता आहे. त्यामुळे मध्य वस्तीतील वाहतूकीत शिवजयंती दिवशी बदल करण्यात येत आहे. (Shiv Jayanti 2025)

जय शिवाजी जय भारत पदयात्रा :

ही पदयात्रा इंजिनिअरिंग कॉलेज ग्राऊंड, स गो बर्वे चौक, एसएसपीएमएस कॉलेज, छत्रपती शिवाजी महाराज पुतळा, स गो बर्वे चौक, मॉर्डन चौक, झाशी राणी चौक, खंडोजी बाबा चौक, गुडलक चौक, फर्ग्युसन कॉलेज ग्राऊंड अशी जाणार आहे. त्यामुळे जंगली महाराज रोड व फर्ग्युसन कॉलेज रोडवरील वाहतूक आवश्यकतेप्रमाणे १९ फेब्रुवारी रोजी सकाळी 7 ते दुपारी 2 वाजेच्या दरम्यान बदल करण्यात येणार आहे.
जंगली महाराज रोड वरील वाहतूक संचेती हॉस्पिटल चौक ते खंडोजी बाबा चौक पर्यंत आवश्यकतेप्रमाणे बंद करण्यात येत आहे.

पर्यायी मार्ग : इंजिनिअरींग कॉलेज चौकातून येणारी वाहने डावीकडे कामगार पुतळा मार्गे, नेहरु रोड व एम जी रोडने इच्छित स्थळी जातील. तसेच बाणेर, पाषाण, कोथरुड, कर्वेरोड कडे जाणारी वाहने उजवीकडे वळून सिमला ऑफीस चौक मार्गे वीर चाफेकर उड्डाणपुलावरुन व सेनापती बापट रोडने इच्छित स्थळी जातील.

(सिमला ऑफिस चौक ते संचेती चौक हा मार्ग दुहेरी वाहतूक करण्यात येत आहे.)

२) फर्ग्युसन कॉलेज रोडवरील वाहतूक खंडोजी बाबा चौक ते फर्ग्युसन कॉलेज गेट, वीर चाफेकर चौकपर्यंत आवश्यकतेनुसार बंद करण्यात येईल.

पर्यायी मार्ग : कोथरुड, कर्वे रोड, खंडोजी बाबा चौकात येणारी वाहतूक, एस एन डी टी कॉर्नर मार्गे लॉ कॉलेज रोड, एस बी रोड इ, मार्गे व नळस्टॉप चौक येथून उजवीकडे वळून कन्हेरी रोड मार्गे इच्छित स्थळी जातील.

३) टिळक रोडवरुन खंडोजी बाबा चौकाकडे जाणारी वाहतूक आवश्यकतेप्रमाणे बंद करण्यात येईल.

पर्यायी मार्ग : अलका टॉकीज चौकातून शास्त्री रोडने सेनादत्त चौक्, बालशिवाजी -नळस्टॉप मार्गे इच्छित स्थळी जातील.

४) केळकर रोडवरुन झेड ब्रीजमार्गे डेक्कनकडे जाणारी वाहतूक आवश्यकतेप्रमाणे बंद करण्यात येईल.

पर्यायी मार्ग : गरुड गणपती चौक, टिळक चौक, शास्त्री रोडने इच्छित स्थळी जातील.

५) भिडे पुल मार्गे डेक्कन कडे जाणारी वाहतूक आवश्यकतेप्रमाणे बंद करण्यात येईल.

पर्यायी मार्ग : झेड ब्रीज, गरुड गणपती चौक, टिळक चौक, शास्त्री रोडने इच्छित स्थळी जातील.

कार्यक्रमासाठी येणारे वाहन पार्किंग बाबत

१) खडकी, येरवडा आर टी ओ कडून येणार्‍या वाहनांनी इंजिनिअरींग कॉलेज चौकात विद्यार्थी सोडून उजवीकडे वळून संगमवाडी पार्किंग येथे वाहने पार्किंग करावीत.

२) कर्वे रोड, कोथरुड कडून येणार्‍या वाहनांनी अलका टॉकिज चौक येथून डावीकडे वळून नदीपात्राततील पार्किंग येथे पार्क करतील़ (व्ही आय पी/ संयोजक/ क्रीडा अधिकारी यांची वाहने फर्ग्युसन कॉलेज ग्राऊंड येथे पार्क करावीत)

३) स्वारगेट, हडपसर, दांडेकर पुलकडून येणारी वाहने सेनादत्त मार्गे अलका टॉकिज चौकातून नदी पात्रातील पार्किंग येथे पार्क करतील.

४) पुणे विद्यापीठ, पाषाण, बाणेर या रोडने येणारी वाहने विद्यार्थी यांना सिमला ऑफिस चौकात सोडून यु टर्न करुन वाहने अ‍ॅग्रीकल्चर कॉलेज ग्राऊंडवर पार्क करतील.

शिवजंयती मुख्य मिरवणुक मार्गावरील वाहतूकीतील बदल

१९ फेब्रुवारी रोजी सकाळी ६ वाजल्यापासून गर्दी संपेपर्यंत लक्ष्मी रोड, शिवाजी रोड, बाजीराव रोडवरील सर्व प्रकारच्या वाहतूकीत खालीलप्रमाणे बदल करीत आहे.

१) जिजामाता चौक येथून छत्रपती शिवाजी महाराज रोडवरुन स्वारगेटला जाणारे वाहनचालकांनी स गो बर्वे चौकातून जंगली महाराज रोडने खंडोजी बाबा चौक टिळक चौक, टिळक रोडने इच्छित स्थळी जातील. (जय शिवाजी जय भारत पदयात्रा संपल्यानंतर)

२) स गो बर्वे चौकातून पुणे मनपा भवनकडे जाणारे वाहनचालकांनी स गो बर्वे चौकातून जंगली महाराज रोडने झाशी राणी चौक डावीकडे वळुन इच्छित स्थळी जातील (जय शिवाजी जय भारत पदयात्रा संपल्यानंतर)

४) गणेश रोड, दारुवाला पुलाकडून फडके हौद चौक्, जिजामाता चौकाकडे येणारी वाहतूक ही दारुवाला पुल चौकातून इच्छित स्थळी जातील.

५) केळकर रोडने अप्पा बळवंत चौकातून जोगेश्वरी मंदीर चौक मार्गे बुधवार चौकाकडे येणारी वाहतूक बंद करण्यात येत आहे.

६) मिरवणुक लक्ष्मी रोडवर असताना सोन्या मारुती चौक पास होईपर्यंत आवश्यकतेनुसार लक्ष्मी रोडवरील वाहने संत कबीर चौक, समर्थ विभाग हद्दीतून वळविण्यात येईल.

७) पुरम चौकातून बाजीराव रोडवरुन शिवाजीनगरकडे जाणार्‍या वाहनचालकांसाठी पुरम चौकातून टिळक रोडने अलका टॉकीज चौक व पुढे फर्ग्युसन कॉलेज रोडने इच्छित स्थळी जातील. (जय शिवाजी जय भारत पदयात्रा संपल्यानंतर)

८) मिरवणुका सुरु झाल्यानंतर आप्पा बळवंत चौकातून बुधवार चौकाकडे व बाजीराव रोडने फुटका बुरुजाकडे न जाता सर्व वाहने केळकर रोडने सरळ पुढे इच्छितस्थळी जातील. तसेच सेवासदन चौकाकडून आप्पा बळवंत चौकाकडे न जाता लक्ष्मी रोडमार्गे इच्छित स्थळी जातील.

९) मिरवणुका गाडगीळ पुताळ पास होऊन जाणार नाहीत तोपर्यंत सर्व वाहने सावरकर भवन पुलावरुन बालगंधर्व बाजुकडे किंवा टकले हवेली चौकामार्गे इच्छितस्थळी जातील.

१०) मिरवणुका गाडगीळ पुतळा पास होईपर्यंत वाहने शनिवार वाड्याकडे न जाता ती कॉसमॉस बँक जंक्शन, सावरकर भवन पुल ते बालगंधर्व, टिळक पुलमार्गे मनपाकडे किंवा टकले हवेली चौक मार्गे इच्छित स्थळी जातील, असे वाहतूक शाखेचे पोलीस उपायुक्त अमोल झेंडे यांनी कळविले आहे.