Pune Crime Branch News | पुणे : लोहगाव, आनंदनगर, विमाननगर येथे केलेल्या कारवाईत 25 लाख 51 हजारांचे मॅफेड्रॉन, गांजा हस्तगत; अंमली पदार्थ विरोधी पथकाच्या कारवाईत तिघांना अटक (Video)
पुणे : Pune Crime Branch News | लोहगाव-वाघोली रोडवरील संतनगर, बिबवेवाडी येथील आनंदनगर आणि विमाननगर अशा तीन ठिकाणी दिवसभरात केलेल्या कारवायात अंमली पदार्थ विरोधी पथकाने (Anti Norotics Cell Pune) २५ लाख ५१ हजार रुपयांचे मॅफेड्रॉन (एम डी) आणि गांजा जप्त केला आहे. या कारवायात तिघांना अटक करण्यात आली आहे.
अंमली पदार्थ विरोधी पथकाचे पोलीस निरीक्षक सुदर्शन गायकवाड व कर्मचारी हे विमानतळ परिसरात पेट्रोलिंग करत होते. त्यावेळी पोलीस अंमलदार चेतन गायकवाड यांना बातमी मिळाली. त्यावरुन पोलिसांनी लोहगाव वाघोली रोडवरील संतनगर येथे कुमेल महम्मद तांबोळी (वय २८, रा. सुखकर्ता अपार्टमेंट, गोकुळनगर, धानोरी) याला पकडले. त्याच्या ताब्यातून १९ लाख १७ हजार ३०० रुपयांचा ८३ ग्रॅम मॅफेड्रॉन (एम डी) जप्त केला.
पोलीस अंमलदार अझिम शेख यांना मिळालेल्या बातमीवरुन मार्केटयार्ड येथील आनंदनगर बिबवेवाडी रोडवर सैफन ऊर्फ शफिक इस्माईल शेख (वय ५२, रा. आनंदनगर) याला पकडले. त्याच्या ताब्यातून ७ हजार रुपयांचा ३५० ग्रॅम गांजा जप्त करण्यात आला आहे.
पोलीस अंमलदार संदिप शिर्के यांना मिळालेल्या बातमीवरुन विमाननगर चौकाकडून श्रीकृष्ण हॉटेल चौकाकडे जाणार्‍या रोडवर मारुती सुझुकी शोरुमसमोर पोलिसांनी कारवाई केली. किरण भाऊसाहेब तुजारे (वय २४, रा. श्री बिल्डिंग, आव्हाळवाडी, वाघोली) याला पकडले. त्याच्या ताब्यातून ६ लाख २७ हजार रुपयांचा ऐवज जप्त केला. त्यात ३० ग्रॅम ३५ मिली ग्रॅम वजनाचा मेफेड्रॉन अंमली पदार्थ जप्त करण्यात आला आहे.
ही कामगिरी पोलीस आयुक्त अमितेशकुमार, सह पोलीस आयुक्त रंजनकुमार शर्मा, अपर पोलीस आयुक्त शैलेश बलकवडे, पोलीस उपायुक्त निखिल पिंगळे, सहायक पोलीस आयुक्त गणेश इंगळे, राजेंद्र मुळीक यांच्या मार्गदर्शनाखाली अंमली पदार्थ विरोधी पथकाचे पोलीस निरीक्षक उल्हास कदम, सुदर्शन गायकवाड, सहायक पोलीस निरीक्षक अनिकेत पोटे, पोलीस उपनिरीक्षक दिगंबर कोकाटे, पोलीस अंमलदार चेतन गायकवाड, संदिप शिर्के, अझिम शेख, साहिल शेख, रवींद्र रोकडे, संदिप जाधव, मयुर सूर्यवंशी, आझाद पाटील, योगेश मांढरे, दिनेश बास्टेवाड, दिशा खेवलकर, रेहाना शेख, दयानंद तेलंगे पाटील, विनायक साळवे, दत्ताराम जाधव, ज्ञानेश्वर घोरपडे, योगेश मोहिते, प्रविण उत्तेकर, मारुती पारधी, विशाल दळवी,संदेश काकडे, नुतन वारे, विपुल गायकवाड यांनी केली आहे.
