Junnar Pune Accident News | पुणे : नववर्षाच्या शुभेच्छा देऊन कुटुंब मुंबईला निघालं ! वाटेतच मृत्यूनं गाठलं, कार आणि दुचाकीच्या अपघातात पती-पत्नीसह मुलीचा मृत्यू
पुणे / जुन्नर : Junnar Pune Accident News | नगर-कल्याण महामार्गावर (Accident On Nagar Kalyan Highway) सीतेवाडी फाट्याजवळ दुचाकी आणि कारमध्ये झालेल्या भीषण अपघातात एकाच कुटुंबातील तिघांचा मृत्यू झाल्याची घटना समोर आली आहे. ही धडक इतकी जबर होती की, यात दुचाकीवरून प्रवास करणा-या एकाच कुटुंबातील तिघांचा जागीच मृत्यू झाला. निलेश कुटे, जयश्री कुटे मुलगी श्रावणी कुटे अशी मृत्यू झालेल्यांची नावे आहेत. हे कुटुंब नव वर्षानिमित्त मुंबईहून पिंपरी पेंढार येथे गावी सुट्टी आणि नव वर्ष साजरा करण्यासाठी गेले होते.
मिळालेल्या माहितीनुसार, कुटे कुटुंब पिंपरी पेंढार या आपल्या गावावरून सर्वांना नव वर्षाच्या शुभेच्छा देऊन मुंबईच्या दिशेने निघाले होते. कुटुंब दुचाकीवरून जात होते. दुचाकी कल्याणच्या दिशेने जात असताना कार आणि दुचाकीची समोरासमोर धडक बसली. ही धडक इतकी जबर होती, निलेश आणि त्यांचे कुटुंब रस्त्यावर आदळले. ज्यात त्यांचा जागीच मृत्यू झाला.
नव वर्षाच्या सुरूवातीलाच अपघाताची घटना घडल्याने जुन्नर तालुक्यात हळहळ व्यक्त करण्यात येत असून, पती पत्नीसह चिमुकल्या मुलीचा देखील अपघाती मृत्युमुळे दुःख व्यक्त करण्यात आले आहे. घटनेची माहिती मिळाल्यानंतर ओतूर पोलिसांनी घटनास्थळी धाव घेतली. या घटनेचा पुढील तपास पोलीस करीत आहेत.
