Bapu Pathare | आमदार बापूसाहेब पठारे यांचा पाहणी दौरा जोरदार सुरू

लोहगाव : Bapu Pathare | वडगावशेरी मतदारसंघाचे नवनिर्वाचित आमदार बापूसाहेब पठारे यांचा मागील काही दिवसांपासून विविध भागात पाहणी दौरा धडाक्यात सुरू आहे. काल (ता. ११) लोहगाव तसेच वडगाव शिंदे परिसरात पालिका अधिकाऱ्यांसोबत पाहणी केली. लोहगाव, राखपसरे वस्ती, लोहगाव-वाघोली रोड येथील स्मशानभूमी तसेच लोहगाव बुद्ध विहार या ठिकाणी बारकाईने पाहणी करत अधिकाऱ्यांना सूचना केल्या.

पाहणीदरम्यान, बापूसाहेब पठारे तसेच अधिकारी वर्गाला अनेक गोष्टींच्या उणिवा जाणवल्या. त्या उणिवा तातडीने भरून काढण्यासाठी विविध उपाययोजना राबवण्याचे बापूसाहेब पठारे यांनी यावेळी सांगितले. मतदारसंघातील विविध भागांची पाहणी केल्याशिवाय तिथल्या सद्यपरिस्थितीची कल्पना येणार नाही. त्याशिवाय ठोस उपाययोजनांची अंमलबजावणीही करता येणे कठीण आहे. पाहणीतून एकूणच परिस्थितीचा आढावा घेऊन प्रश्न सोडवणे सोपे होते, असे मत यावेळी पठारे यांनी मांडले.

महानगरपालिका भवन रचना अधिकारी प्रफुल्ल भातकर, आरोग्य निरीक्षक नायडू, समीर खुळे पाहणीच्या वेळी उपस्थित होते.