Who Will Next CM Of Maharashtra | मुख्यमंत्रीपदी शिंदे की फडणवीस? आज निर्णय होण्याची शक्यता, महायुतीचे नेते दिल्लीला रवाना होणार

मुंबई : Who Will Next CM Of Maharashtra | महाराष्ट्राचा ,मुख्यमंत्री कोण असणार? यावर शिक्कामोर्तब करण्यासाठी केंद्रीय गृहमंत्री अमित शहा (Amit Shah) यांनी आज (दि.२८) दिल्लीत महत्त्वाची बैठक घेणार आहेत. या बैठकीला शिवसेनेचे अध्यक्ष एकनाथ शिंदे (Eknath Shinde), राष्ट्रवादीचे अध्यक्ष अजित पवार (Ajit Pawar) आणि भाजपचे नेते, माजी मुख्यमंत्री देवेंद्र फडणवीस (Devendra Fadanvis) उपस्थित राहणार आहेत. एकनाथ शिंदे आज दिल्लीला सायंकाळी ४:०० वाजता रवाना होणार असल्याची माहिती आहे.

भाजप वरिष्ठ नेत्यांचा जो काही निर्णय असेल तो मान्य असेल अशी भूमिका एकनाथ शिंदे यांनी घेतली आहे. त्यामुळे दिल्लीतील आजच्या बैठकीत नेमकं काय ठरणार याकडे सर्वांचे लक्ष लागलेले आहे. या बैठकीत मुख्यमंत्रिपदाबात अंतिम निर्णय घेताना अमित शहा हे एकनाथ शिंदे आणि अजित पवार यांच्याबरोबर चर्चा करणार आहेत. (Mahayuti News)

मुख्यमंत्र्यांसह दोन उपमुख्यमंत्रिपदी कोण असणार? याविषयीही चर्चा होणार आहे. उपमुख्यमंत्रिपद एकनाथ शिंदे स्वीकारणार का? त्यांनी हे पद न स्वीकारल्यास शिवसेनेच्या कोणत्या नेत्याला उपमुख्यमंत्री पद मिळणार? याबाबत राजकीय वर्तुळात तर्कवितर्क लावण्यात येत आहेत.