Parvati Assembly Election 2024 | ’15 वर्षे एकहाती सत्ता, पर्वती मतदारसंघात एकतरी काम दाखवा’, अमोल कोल्हेंचा विरोधकांवर निशाणा

पुणे : एन पी न्यूज 24 ऑनलाइन – Parvati Assembly Election 2024 | राज्यात विधानसभा निवडणुकीची (Maharashtra Assembly Election 2024) रणधुमाळी सुरु आहे. पर्वती विधानसभा मतदारसंघ महाविकास आघाडी (Mahavikas Aghadi) व इंडिया फ्रंटच्या (India Aghadi) उमेदवार अश्विनी कदम (Ashwini Nitin Kadam) यांच्या प्रचारार्थ परिसरात बाइक रॅली पार पडली. ही रॅली व्हीआयटी हॉस्टेल चौकापासून सुरुवात होऊन राम मंदिर चौक जनता वसाहत येथे तिचा समारोप झाला. यावेळी झालेल्या सभेत खासदार अमोल कोल्हे (Amol Kolhe) यांनी मार्गदर्शन केले.

अमोल कोल्हे म्हणाले, ” महाविकास आघाडी जाहीरनाम्यातील सर्व आश्वासन पूर्ण करण्यासाठी कटिबद्ध आहे. आरोग्य विमा, लाडकी बहीण योजना यामध्ये मोठी वाढ घडविण्यासाठी बदल घडवा. गेली १५ वर्षे विद्यमान आमदारांची एकहाती सत्ता असतानासुद्धा एकतरी काम पर्वती मतदारसंघात दाखवा. महिला आमदार असूनही १५ वर्षांत एकाही महिलांच्या सबलीकरणासाठी काम नाही”, असे घणाघाती आरोप अमोल कोल्हे यांनी करत पर्वतीत बदल घडविण्याचे नागरिकांना आवाहन केले.

अश्विनी कदम म्हणाल्या,” या प्रचाराच्या रणधुमाळीत पर्वतीकरांनी प्रचंड प्रेम आणि पाठिंबा दाखवला. एवढा जनसमुदाय पाठीशी असल्यावर पर्वतीत बदल नक्कीच घडणार याची आज पुन्हा खात्री झाली. माझे कार्यकर्ते आणि माझे पर्वतीकर नागरिक हेच माझा अभिमान आहेत. त्यांचा भक्कम पाठिंबा मला विजयी करण्यात महत्त्वाची भूमिका बजावेल”, असा विश्वास अश्विनी कदम यांनी व्यक्त केला.