Mahavikas Aghadi Agitation In Pune For Metro | ‘मेट्रो सुरू होईपर्यंत आम्ही इथून हटणार नाही’, मविआच्या नेत्यांचे पुण्यात आंदोलन (Video)

पुणे : Mahavikas Aghadi Agitation In Pune For Metro | पंतप्रधान नरेंद्र मोदींच्या (PM Narendra Modi) हस्ते मेट्रोच्या शिवाजीनगर जिल्हा सत्र न्यायालय ते स्वारगेट भुयारी मार्गाचे लोकार्पण (Pune District Court To Swargate Metro), तर स्वारगेट ते कात्रज (Swargate To Katraj Metro) या विस्तारित भुयारी मार्गाचे भूमिपूजन होणार होते. मात्र मागील दोन दिवसांपासून शहरात मुसळधार पाऊस पडल्याने सभेच्या मैदानावर मोठ्या प्रमाणात चिखल झाला होता.

तसेच हवामान विभागा मार्फत ऑरेंज अलर्ट देण्यात आला होता. त्यामुळे पंतप्रधान नरेंद्र मोदी यांचा दौरा रद्द करण्यात आला. त्यावरून विरोधकांनी भाजपवर निशाणा साधला होता. या दौऱ्यात करोडो रुपयांचा चुराडा झाल्याचे काँग्रेस आमदार रवींद्र धंगेकर (Ravindra Dhangekar) यांनी म्हंटले.

मात्र आता याच प्रकल्पाचे लोकार्पण पंतप्रधान नरेंद्र मोदी यांच्या हस्ते रविवारी २९ सप्टेंबर रोजी ऑनलाईनच्या माध्यमातून केले जाणार आहे. मात्र अगोदरच मेट्रो प्रकल्प पूर्ण होण्यास विलंब झाला असून मोदी हे लोकार्पण करण्यास विलंब करत आहेत.

या पार्श्वभूमीवर शहरातील मविआच्या नेत्यांनी आक्रमक होत शिवाजीनगर जिल्हा सत्र न्यायालय येथील मेट्रो स्थानक येथे आंदोलन केले. यावेळी काँग्रेसचे आमदार रवींद्र धंगेकर, शरद पवार गटाचे (Sharad Pawar NCP) शहर अध्यक्ष प्रशांत जगताप (Prashant Jagtap), काँग्रेस पक्षाचे शहर अध्यक्ष अरविंद शिंदे (Arvind Shinde), माजी आमदार मोहन जोशी (Congress Mohan Joshi), ठाकरे गटाचे (Shivsena Thackeray Group) शहर अध्यक्ष संजय मोरे (Sanjay More) यांच्या नेतृत्वाखाली हे आंदोलन सुरू आहे.

आज मेट्रो सुरू झाल्या शिवाय आम्ही या ठिकाणापासून हटणार नाही, अशी भूमिका शहरातील मविआच्या नेत्यांनी घेतली आहे. दरम्यान याठिकाणी पोलिसांचा चोख बंदोबस्त ठेवण्यात आला आहे.