High BP Symptoms | हाय ब्लड प्रेशरच्या ‘या’ 7 वॉर्निंग साईनकडे करू नका दुर्लक्ष; जाणून घ्या
एन पी न्यूज 24 ऑनलाइन टीम – High BP Symptoms | हाय ब्लड प्रेशर (High Blood Pressure) म्हणजेच उच्च रक्तदाब, ज्याला सायलेंट किलर असेही म्हणतात. हा खराब जीवनशैली (Lifestyle), तणाव (Stress) आणि चुकीच्या खाण्या-पिण्यामुळे होणारा आजार आहे. वेबएमडीच्या अहवालानुसार, हाय ब्लड प्रेशरची इतकी सामान्य लक्षणे आहेत की त्याची इतर कारणे सुद्धा असू शकतात. (High BP Symptoms)
उच्च रक्तदाब हा इतका धोकादायक आजार आहे की या आजाराने ग्रस्त असलेल्या एक तृतीयांश लोकांना त्याची जाणीव देखील नसते. उच्च रक्तदाबाची लक्षणे गंभीर होईपर्यंत ओळखली जात नाहीत. रक्तदाब तपासूनच उच्च रक्तदाब ओळखता येतो.
रक्तदाब हा असा आजार आहे, ज्यामुळे ब्रेन स्ट्रोक, पक्षाघात आणि अनेक जीवघेणे आजार होऊ शकतात. तुम्हालाही या सायलेंट किलरपासून वाचायचे असेल, तर तुमचा रक्तदाब वेळोवेळी तपासा आणि त्यात काही धोक्याचे संकेत आहेत, त्याकडे दुर्लक्ष करू नका. रक्तदाब वाढला की शरीरात काही लक्षणे दिसतात, ज्याची काळजी घेणे आवश्यक आहे. (High BP Symptoms)
रक्त वाढल्याची ही आहे लक्षणे
1. तीव्र डोकेदुखी (Severe Headache):
अनेकदा थकवा आणि तणावामुळे आपल्याला डोकेदुखी होते, ज्यावर आपण वेदनाशामक औषधांनी उपचार करतो. पण उच्च रक्तदाब हे देखील डोकेदुखीचे कारण असू शकते. जेव्हा मेंदूला पुरेसे रक्त मिळत नाही, तेव्हा मेंदूवर अतिरिक्त दबाव येतो, ज्यामुळे तीव्र डोकेदुखी होते. त्यामुळे जर तुम्हाला डोकेदुखीचा त्रास होत असेल तर तुमचा रक्तदाब जरूर तपासा.
2. नाकातून रक्त येणे (Bleeding From The Nose):
उच्च रक्तदाबामुळे नाकातून रक्तस्राव होऊ शकतो. या लक्षणांकडे दुर्लक्ष करू नका.
3. थकवा (Fatigue):
सतत बराच वेळ काम केल्यानंतर थकवा जाणवणे सामान्य आहे, परंतु जेव्हा हा थकवा तुम्हाला त्रास देतो तेव्हा लगेच रक्तदाब तपासा. हे उच्च रक्तदाबाचे लक्षणे असू शकते.
4. धूसर दिसणे (Dull Appearance):
जर तुमची दृष्टी सतत अंधुक होत असेल तर ते उच्च रक्तदाबाचे लक्षण असू शकते.
5. छातीत दुखणे (Chest Pain):
जेव्हा फुफ्फुसात रक्त वाहून नेणार्‍या धमण्यांवर दबाव येतो तेव्हा छातीत दुखते. रक्तदाब वाढल्याने असे होऊ शकते.
6. श्वास घेण्यात अडचण (Difficulty Breathing):
रक्तदाब वाढला की श्वास घेण्यासही त्रास होतो. जेव्हा हृदयाला फुफ्फुसातून रक्त वाहून नेण्यास त्रास होतो,
तेव्हा हृदयाच्या उजव्या बाजूला दाब येतो, त्यानंतर छातीत दुखण्याची तक्रार असते.
7. हृदयाचे अनियमित ठोके (Irregular Heartbeat):
उच्च रक्तदाबामुळे छातीत दुखणे, हृदयाचे ठोके अनियमित होणे किंवा हृदयविकाराचा झटका येऊ शकतो.
जेव्हा उच्च रक्तदाब असतो तेव्हा हृदयाला जास्त काम करावे लागते. हृदयावर अतिरिक्त दबाव देखील हृदयविकाराचे कारण असू शकते.
Web Title :- High BP Symptoms | what are the symptoms of high blood pressure know the warning sign of high bp
Join our WhatsApp Group, Telegram, facebook page and Twitter for every update
