Long Covid Signs | लाँग कोविडची अशी 5 लक्षणे ज्यांच्याकडे नेहमी केले जाते दुर्लक्ष ! जाणून घ्या
एन पी न्यूज 24 ऑनलाइन टीम – Long Covid Signs | कोरोना व्हायरसबद्दल (Coronavirus) आपल्याला एक गोष्ट माहित आहे की हा विषाणू वरच्या श्वसनमार्गाला संक्रमित करतो. व्हायरस श्वसन प्रणालीमध्ये प्रवेश करतो आणि अनेक पटीने वाढतो, ज्यामुळे सर्दी, खोकला, घसा खवखवणे, ताप आणि थकवा यासारखी अनेक लक्षणे उद्भवतात. (Long Covid Signs)
आणखी एक धक्कादायक बाब म्हणजे या अत्यंत संसर्गजन्य आजाराची लक्षणे केवळ श्वसनमार्गापुरती मर्यादित नाहीत. त्याचा परिणाम शरीराच्या इतर भागांवरही होतो. यापैकी काही चिन्हे उपचाराने निघून जातात, तर काही बरे झाल्यानंतरही टिकून राहतात. थकवा (Fatigue), स्नायू दुखणे (Muscle Aches), सांधेदुखी (Joint Pain) , केस गळणे (Hair Loss), चव आणि गंध कमी होणे (Loss of taste and smell) ही कोविड-19 ची लक्षणे आहेत.
याशिवाय, अशी काही लक्षणे देखील आहेत, ज्याकडे अनेकदा दुर्लक्ष केले जाते, कारण एकतर ती खूप सौम्य असतात किंवा लोकांना ती कोरोना व्हायरसशी संबंधित असल्याचे समजत नाही. कोविड-19 ची काही अशी कोणती लक्षणे आहेत ज्यावर तुम्ही लक्ष ठेवले पाहिजे, ती जाणून घेवूयात.
कमजोर सहनशक्ती (Weak Endurance)
अशक्तपणा आणि थकवा सोबतच, कोरोना व्हायरस तुमची सहनशक्ती देखील कमकुवत करतो. संसर्गाला पराभूत केल्यानंतर तुम्हाला उर्जा पूर्ण वाटू शकते,
परंतु तरीही पूर्वीसारखे पूर्ण उर्जेने काम करता येत नाही.
पायर्‍या चढून किंवा हलका व्यायाम केल्यावर तुम्हाला
अशक्तपणा जाणवू लागला तर याचा अर्थ तुमचा स्टॅमिना कमी झाला आहे. (Long Covid Signs)
डोकेदुखी (Headache)
डोकेदुखी, एकाग्रतेचा अभाव, ब्रेन फॉग आणि मूड स्विंगसह, COVID-19 मधून बरे झाल्यानंतरही दिसू शकतात. ज्या लोकांना आधीच डोकेदुखी किंवा मायग्रेन आहे त्यांच्यासाठी स्थिती आणखी वाईट होऊ शकते.
पॅरेस्थेसिया (Paresthesia)
शरीराच्या एखाद्या भागामध्ये पॅरेस्थेसिया, बधीरपणा किंवा जळजळ होणे हे बहुतेक वेळा एकाच स्थितीत बराच वेळ बसल्यावर उद्भवते. पण लाँग कोविडमध्ये लोक कोणत्याही कारणाशिवाय सुन्न होतात. CDC नुसार, सुन्नपणा हे दीर्घ कोविडचे प्रमुख लक्षण आहे. मात्र, प्रत्येकजण या समस्येतून जात नाही.
झोपेची समस्या (Sleep Problems)
रात्रीची झोप न लागणे ही दीर्घ कोविडशी संबंधित एक सामान्य समस्या आहे. जेव्हा जेव्हा आपल्याला झोपेची समस्या होते तेव्हा आपण या समस्येकडे दुर्लक्ष करतो. काही वयात निद्रानाशाची समस्या एवढी सामान्य आहे की आपण अनेकदा त्याची काळजी करत नाही. यावर वेळीच उपचार न केल्यास त्याचे रुपांतर झोपेच्या आजारात होते. त्यामुळे वेळीच उपचार करा.
तणाव (Tress-Tension)
लोकांना वाटते की, तणाव हा आधुनिक जीवनाचा एक भाग आहे आणि तो टाळण्याचा कोणताही मार्ग नाही. हे खरे आहे, परंतु तो हाताळण्याचे मार्ग आहेत. ताण जास्त काळ लपवून ठेवता येत नाही. याचा परिणाम तुमच्या नातेसंबंधांवर, तसेच मूड आणि आरोग्यावर होऊ लागतो.
लाँग कोविडच्या बाबतीत, जे लोक आधीच तणावाखाली आहेत
त्यांना अस्वस्थ वाटू शकते, अगदी नैराश्याचा धोका होऊ शकतो.
तुमची तणाव पातळी व्यवस्थापित करा आणि कोविड नंतर ती आणखी खराब झाल्यास वैद्यकीय मदत घ्या.
Disclaimer : वरील मजकुरात नमूद सल्ला आणि सूचना केवळ सामान्य माहितीच्या उद्देशाने आहेत. तो व्यावसायिक वैद्यकीय सल्ला म्हणून घेऊ नये.
काही प्रश्न किंवा समस्या असल्यास नेहमी डॉक्टरांचा सल्ला घ्या.
Web Title :- Long Covid Signs | most common symptoms of long covid that are usually missed
Join our WhatsApp Group, Telegram, facebook page and Twitter for every update
Moola In Winters | हिवाळ्यात मुळा खाल्ल्याने होतील ‘हे’ 5 जबरदस्त फायदे! जाणून घ्या कोणते