Post Office Scheme | ‘पोस्ट ऑफिस’ची सर्वात जास्त फायदा देणारी योजना! केवळ 5 वर्षांच्या गुंतवणुकीत मिळतील 14 लाखांपेक्षा जास्त

0

नवी दिल्ली : वृत्तसंस्था – Post Office Scheme | पोस्ट ऑफिस आपल्या ग्राहकांसाठी अनेक उत्कृष्ट फायदेशीर योजना चालवते. यात सर्व वयोगटातील लोकांसाठी योजना आहेत. तुम्हालाही सुरक्षित गुंतवणूक करायची असेल, तर तुम्हाला अवघ्या काही वर्षांत लक्षाधीश होण्याची संधी आहे. आज आम्ही तुम्हाला पोस्ट ऑफिसच्या ज्येष्ठ नागरिक बचत योजनेबद्दल (Post Office Senior Citizen Savings Scheme – SCSS) सांगत आहोत. ज्यामध्ये तुम्हाला 7.4 टक्के दराने व्याज मिळते. म्हणजेच, साध्या गुंतवणुकीने तुम्ही फक्त 5 वर्षात 14 लाख रुपयांचा मोठा फंड बनवू शकता. (Post Office Scheme)

ज्येष्ठ नागरिक बचत योजनेत खाते उघडा
तुम्ही सेवानिवृत्त असाल, तर पोस्ट ऑफिसची ज्येष्ठ नागरिक बचत योजना (Senior Citizens Savings Scheme-SCSS) योजना तुमच्यासाठी अधिक फायदेशीर आहे. तुमची आयुष्यभराची कमाई अशा ठिकाणी गुंतवण्याचा सल्ला दिला जातो जो सुरक्षित असेल आणि नफाही देईल.

SCSS मध्ये खाते उघडण्यासाठी वय 60 वर्षे असावे. या योजनेत फक्त 60 वर्षे किंवा त्याहून अधिक वयाचे लोक खाते उघडू शकतात. याशिवाय ज्या लोकांनी VRS (Voluntary Retirement Scheme) घेतली आहे, ते लोकही या योजनेत खाते उघडू शकतात. (Post Office Scheme)

5 वर्षात असे मिळतील 14 लाखांहून जास्त
जर तुम्ही ज्येष्ठ नागरिक योजनेत 10 लाख रुपयांची एकरकमी गुंतवणूक केली,
तर 5 वर्षांनंतर वार्षिक 7.4 टक्के (चक्रवाढ) व्याजदराने (Interest Rate)
गुंतवणूकदारांना एकूण रक्कम 14,28,964 रुपये होईल. येथे तुम्हाला व्याज म्हणून 4,28,964 रुपयांचा लाभ मिळत आहे.

 

1000 रुपयांमध्ये उघडू शकता खाते
या योजनेत खाते उघडण्यासाठी किमान रक्कम (Minimum Amount) 1000 रुपये आहे. याशिवाय, तुम्ही या खात्यात कमाल 15 लाख रुपयांपेक्षा जास्त ठेवू शकत नाही. याशिवाय जर तुमचे खाते उघडण्याची रक्कम एक लाख रुपयांपेक्षा कमी असेल तर तुम्ही रोख पैसे देऊनही खाते उघडू शकता. त्याच वेळी, एक लाख रुपयांपेक्षा जास्त खाते उघडण्यासाठी, तुम्हाला चेक द्यावा लागेल.

काय आहे मॅच्युरिटी कालावधी
SCSS चा मॅच्युरिटी कालावधी 5 वर्षांचा आहे, परंतु गुंतवणूकदाराची इच्छा असल्यास ही मुदत वाढवता येऊ शकते.
इंडिया पोस्ट वेबसाइटवर दिलेल्या माहितीनुसार, तुम्ही ही योजना मॅच्युरिटीनंतर 3 वर्षांसाठी वाढवू शकता.
ती वाढवण्यासाठी तुम्हाला पोस्ट ऑफिसमध्ये जाऊन अर्ज करावा लागेल.

कर सवलत
या योजनेत व्याजाची रक्कम वार्षिक 10,000 पेक्षा जास्त असेल, तर तुमचा TDS कापला जाईल.
मात्र, या योजनेतील गुंतवणुकीला प्राप्तीकर कायद्याच्या कलम 80सी अंतर्गत सूट देण्यात आली आहे.

Web Title :- Post Office Scheme | post office senior citizens savings scheme you may get 14 lakh in just 5 year post office scheme

Join our WhatsApp GroupTelegramfacebook page and Twitter for every update

Low Haemoglobin Level | रक्ताची कमतरता असल्यास शरीर देते ‘हे’ 5 संकेत, ही लक्षणे आढळली तर व्हा सावध

Immunity Against Omicron | ओमिक्रॉन पासून बचाव करण्यासाठी घरीच करा ‘हे’ 5 व्यायाम, रोज केवळ 20 मिनिटे करण्याने वाढू शकते इम्यूनिटी

PMC Recruitment | नोकरीची सुवर्णसंधी ! पुणे महानगरपालिकेत ‘या’ जागांसाठी भरती; पगार 1,50,000 मिळणार

Leave A Reply

Your email address will not be published.