नवी दिल्ली : एन पी न्यूज 24 – काँग्रेसचे वरिष्ठ नेते ज्योतिरादित्य सिंधिया हे मंगळवारी सकाळी साडेदहा वाजण्याच्या सुमारास पंतप्रधान नरेंद्र मोदी यांची भेट घेण्यासाठी आले असून त्यांच्या समवेत केंद्रीय गृहमंत्री अमित शहा हे सुद्धा आहेत. ज्योतिरादित्य सिंधिया यांच्या भाजप प्रवेशाची घोषणा आजच होण्याची शक्यता आहे. आज माधवराव सिंधिया यांची ७५ वी जयंती आहे. याच दिवशी त्यांचे पुत्र भाजपमध्ये प्रवेश करीत आहेत.
लोकसभा निवडणुकीत त्यांच्याकडे उत्तर प्रदेशाची जबाबदारी देऊन मध्य प्रदेशाच्या राजकारणातून त्यांना दूर सारण्याचा प्रयत्न झाला होता. गुना या आपल्या पारंपारिक मतदारसंघात त्यांना लोकसभा निवडणुकीत पराभवाची चव चाखावी लागली होती. तेव्हापासून ते नाराज होते. त्यांची ही नाराजी भाजपने पुरेपुर ओळखून त्यांना खासदारकी व केंद्रात मंत्रीपदाचे आमिष दाखविले आहे. त्यामुळे आता मध्य प्रदेशातील काँग्रेसचे सरकार धोक्यात आले आहे.